DİA.AZ: - Keçən günlərdə məlumat verərək bildirdik ki, DİA.AZ redaksiyası 2017-ci ilin fevral ayında baş verən bir intihar hadisəsinin şok təfərrüatlarının izinə düşüb. Xatırladaq ki, hadisə iki il əvvəl baş verib və bu barədə rəsmi yayılan məlumatlarda deyilirdi ki, Bakıda 54 yaşlı kişi özünü zəncirlə asıb. Xəbərə görə, hadisə Sabunçu rayonunda qeydə alınıb. Belə ki, 1963-cü il təvəllüdlü Nəsirov Yusif Təvəkkül oğlu özünü yaşadığı evin həyətində zəncirlə asaraq intihar edib. Faktla bağlı Sabunçu Rayon Prokurorluğunda Cinayət Məcəlləsinin 125-ci (özünü öldürmə həddinə çatdırma) maddəsi ilə cinayət işi başlanılıb, intiharın səbəbləri araşdırılır.
Lakin DİA.AZ-ın əldə etdiyi məlumatlar da təsdiqləyir ki, əslində bu faktlar yetərincə araşdırılmayıb. Həra halda təqdim etdiyimiz iddialardan da belə anlaşılırdı. Qeyd olunurdu ki, intihar edən şəxsin (hazırki araşdırmalarımızdan aydın olur ki, Nəsirov Yusif Təvəkkül oğlu kifayət qədər ciddi və uğur qazanan sahibkarlardan olub və o sağlığında 16 saylı İnşaat-İstehsalat Təsərrüfat Trestinə rəhbərlik edərək, hətta dəfələrlə dövlət siafrişlərini də həyata keçirib) kimliyini öyrəndikdə görürük ki, burada şübhəli məqamlar yetərincədir.
DİA.AZ-ın əldə etdiyi məlumatlardan aydın olur ki, özünü öldürməyə vadar edilən Nəsirov Yusif Təvəkkül oğlunun başı son günlərdə cəncəldə olub. Məhkəmədə ona qarşı 6 milyon manatdan artıq iddia qaldırılıb. Və əslində intihar səbəbi də budur.
Məlumatlara görə, həmin ərəfədə Nazim Tahirovun rəhbərlik etdiyi qurum Rusiyadan borular ixrac edirmiş və bu ixrac prosesi zamanı Tahirovun Rusiyadakı müəssisələrə külli-miqdarda borcu yaranır. Vəziyyətdən heç cürə çıxmağa müvəffəq ola bilməyən Tahirov bu aman çoxdandır partnyorluq etdiyi Yusif Nəsirova kömək üçün ağız açır. Həm pulla və həm də sonradan ölümünə nədən olan bir hadisə ilə Tahirova dəstək olan Nəsirov bunun qarşılığında “Biləcəri Təmir-Quraşdırma” QTSC-dən 2 milyon manatlıq boru götürür. Amma sonradan... Dediyimiz bəlalı hadisə isə bu olur. Tahirova arxa drumaq üçün Nəsirov ona Rusiyadakı müəssisələri aldatmasına şərait yaradır. Razılaşır ki, məhkəmə yolu ilə guya Nəsirovun Tahirova 6 milyon manatdan artıq borclu olmasını sübutlayan qərar çıxarılsın. Həmin saxta məhkəmə qəarı isə Rusiyada Tahirovdan satdıqları boruların pulunu gözləyən müəssisələrə göndərilir. Nəticədə, Tahirov xeyli dərəcədə vəiyyətdən çıxmağa müvəffəq olur. Amma üstündən müəyyən müddət keçəndən sonra Tahirov Nəsirova etdiyi yaxşılığın qarşılığını YAMANLIQLA çıxmaq qərarını verir. Axı necə də olmalı idi ki? Ələ gözəl fürsət düşmüşdü. Əlində bir məhkəmə qərarı var idi ki, kiminsə ona 6 milyon manatdan artıq borcu var...
Beləcə Tahirov günlərin birində Nəsirovdan olmayan borcu - Rusiyadakı müəssisələri aldatmaq üçün uydurulmuş borcu tələb edir... Nəticəsi isə atıq məlumdur. Düşdüyü durumdan həm şoka düşən və həm də çıxış yolu tapa bilməyən Nəsirov sonda intihar etməli olur... Canına qıyır...
Onu da bildirək ki, bu barədə DİA.AZ-a öz mövqeyini ifadə edən Nazim Tahirov bütün bu deyilənləri təkzib edərək, ortaya bir qalaq sənəd də çıxarıb. Həmin sənədlərə isə diqqət yetirdikdə ortaya hansısa həqiqətdən daha çox, əlavə şübhələr çıxmış olur. Bu barədə az sonra...
Hələliksə, gələk Nazim Tahirovun dediklərinə. “Biləcəri Təmir-Quraşdırma” QTSC-nin rəhbəri bildirir ki, əslində Yusif Nəsirovun ölümündə onun hansısa formada günahkar bilinməsi doğru deyil. Onun sözlərinə görə, Yusif Nəsirovu ə da həqiqətən uğurlu bir sahibkar kimi tanıyıb və onun barəsində ilk əvvəl məlumat toplayıb. Həttazamanında Yusif Nəsirovla iş görmüş ayrı-ayrı dövlət qurumlarının nümayəndələrindən belə ortaqlıq etmək istədiyi şəxs barəsində sorğu-sual aparıb. Hər kəs Yusif Nəsirovu etibarlı tərəfdaş kimi təqdim edib. Bunu da Nazim Tahirov bildirir.
Bəs necə oldu ki, məhz araşdırmalarının sonucu olaraq Yusif Nəsirovla ortaq olmaq fikrinə düşən Nazim Tahirov sonradan onunla yollarını ayırmalı olur, hətta iş ÖLÜM HƏDDİNƏ qəıdər inkişaf edir...
Bunu Nazim Tahirov belə izah edir ki, sən demə, əslində həmin ərəfədə - yəni 2014-ci ildə - onların ilk ortaqlıqları dönəmində Yusif Nəsirov artıq iflas etmiş sahibkar imiş və hər kəsə borcu var imiş. MARAQLI MƏQAMDIR!!! Halbuki elə həmin Nazim Tahirov az əvvəl bildirirdi ki, Yusif Nəsirovun iş gördüyü bütün şəxslərlə əlaqə saxlayıb, hər biri də onu tərifləyib. Bəs indi necə olur ki, onun hər kəsə börcunun olduğu ortaya çıxır? Hər halda Nazim Tahirovun bu pəltək xarakterli açıqlamalrını elə istintaq orqanları araşdırsa, daha yaxşı olar.
“Biləcəri Təmir-Quraşdırma” QTSC-nin sədrinin söylədikləri ilə bağlı hələliksə, bu qədər. İndi isə gələk mərhumun zamanında məlum qalmaqalla bağlı Bakı Apellyasiya Məhkəməsinə yazdıqlarına. Buradakıl ifadələr - yəni mərhum Yusif Nəsirovun zamanında, sağlığında öz imzası ilə təsdiqlədiyi ifadələr isə tamam fərqli ampluadadır. Hər halda, bu ifadələri də istintaqın yetərincə araşdırması zərurəti var. Burada yazılanlar təkcə bir intihar faktına işıq salmayacaq. Həm də Azərbaycanda sahibkarlara qarşı qurulan tələləri də ifşa etmiş olacaq. Bu barədə daha geniş yazımızı göləyin. Mövzu diqqətimizdədir.
Araşdırmalarımız davam edir. İddia olunanlarla bağlı bütün maraqlı tərəfləri yenə də dinləməyə hazırıq.
